Breaking News
IMG 20260911 WA0033

फाटल जिन्स बेटउवा पहिरे बने लल्लनटाप

Ibn news Team DEORIA

दिनेश गुप्ता पत्रकार

IMG 20260911 WA0033

पकुआ खा के दादा जियले,

मडुआ खा के बाप,

बेटवा खाला बर्गर पिज़्ज़ा बने लल्लनटाप !

 

पहिरी लँगोटी दादा जियले,

धोती पहिर के बाप,

फाटल जिन्स बेटउवा पहिरे बने लल्लनटाप !

 

वेद पुराण के दादा पढ़ले,

रामायण के बाप,

मस्तराम के बेटवा पढ़ के करत फिरे पाप !

 

घर बहरी से घूँघट गइल,

भावत नइखे साड़ी,

नयकी बहुरिया जिन्स चढ़ा के घुमें बीच बाज़ारी!

 

दूध दही अब भावत नइखे,

लोग माँगेला दारु,

माई बाप के मान ना बांचल पुज्य भइल मेहरारु !

 

भाई भाई में लउकत नइखे,

भाई जइसन प्यार,

सांझ बिहाने लड़े अखाड़ा बन के हिस्सेदार!

 

सास पतोह के छोह पराइल,

अजब के भइल नाता,

करे लड़ाई सवतिन जइसन राखस लाज विधाता !

 

बर पकड़ी सब बुढ़ हो गइले,

पीपर भइल बेहाल,

गाँव नगर के लोग के लागे तड़कुल तर चौपाल !

 

भरम धरम के कइसे बाँची,

कइसे बाँची रीत,

नाम के आगे व्यास लगाके गावे गंदा गीत !

*रचना -* मेरी कलम से ✍️

About IBN NEWS

Check Also

IMG 20261110 WA0002

देवरिया – कुश्ती हमारी मिट्टी की परंपरा और युवाओं के शौर्य का प्रतीक है : सूर्य प्रताप शाही

Ibn news Team DEORIA दिनेश गुप्ता देवरिया। विधानसभा क्षेत्र पथरदेवा के ग्राम पंचायत बंजरिया बाजार …